BE.87 Logu no.91
JESUS KRISTUS DO MANOBUS

Ayat 1
Ho tinobus ni Tuhanmu Tung jonok do debataM Sai pasada pingkiranmu
Asa tong tutu sabam Sai pabulus Tu Tuhanmu ma roham

Ayat 2
Sai timbangi di rohamu PangkophopNa i sude Ai tung ala ni dosamu
Do tarsilang Tuhanmi Baen malua baen martua Hita na tarjea i.

Ayat 3
Haberengan ho Tuhanmu Di hau pinarsilang i ? So uhir tu pingkiranmu
Hansit na tinaonNa i ? Sai tohoi sai oloi Holong ni rohaNa i.

Ayat 4
Naeng bagas arsakkononmu Sasudena dosami Asa hangoluhononmu
Na tinaon ni Tuhanmi Sai ringkoti manopoti Nasa hadosaonMi.

Ayat 5
Mangasahon na tinaonMu Tundalanku dosangki Sai pasonggop pangkophopMu
Tu sude pingkiranki Naeng tondingku nang dagingku Upa ni na tinaonMi.

Ayat 6
Na so tupa datdatanku Mangulahon dosa i Na so jadi arsahanku
Ho Parngolu, Tuhanki. Sai tarhilas ma rohamu Mida au hinophopMi.

Ayat 7
Nang dokdok pe siporsanon Mian au di lambungMi Habengeton, hatomanon
Disahaphon silangMi Ho rajangku Ho Tuhanku Ro di hamamatengki.

Ayat 8
Pangkophopon ni Tuhanku Na tongtong hutiop i Holan pasaut langkangku
Masuk hasangapon i Lao martomu lao mardomu Tu Tuhanku Jesus i.
